صفحة الاعترافاتقصصمنوعات وأخبار تريند حالياً

اعتراف بنت عن قصة زوجها المريض نفسيا

الحمد لله رب العالمين .. أنا إنسانة ربنا مفضل علي بنعم كتيرة لا تعد ولا تحصى .. وين ما بروح يلاقي رزقي بين أيدي من حيث احتسب ولا احتسب .. حتى بسنين الفقر كنت مرزوقة ..

اتزوجت صغيرة انسان كان بنظري أنه كتير منيح .. ولكن من تدخلات أمه وخواته بحياتي وبطريقة حياتي .. زوجي حرمني ابسط حقوقي .. كان بالنسبة اله أنه انا مسكنك ومأكلك ومشربك هيك انتي اخدتي كل حقوقك .. ممنوع اطلع ممنوع اروح ممنوع ازور حدا .. ارضيت وعشت بس الي حوالي ما رضيو لاني راضية .. وانا جوا بيتي رزقتي كانت توصلني من ربنا واللي احلى لبس وأبين اني غنية كتير . اللبس الحلو ربنا رزقني إياه عن طريق امي الله يحفظلي اياها .. كانت كل ما تشوف اشي ناقص علي توفر وتجيبلي رغم أنه هي كمان ما عندها قدرة مادية بس ربنا كان يرزق .. بنفس الوقت كان ماديات وشغل زوجي فوق الريح .. بس للأسف ما شفت غير الاكل والشرب وع العيد يشترلي الي وللولاد ..
بعد ٥ سنوات زوجي خسر شغله .. وصرنا حتى الاكل ما نشوفو رغم هيك صبرت واحتسبت امري لله .. ما حدا بموت جوع .. كنت دائما ادعي ربنا .. يا رب لا تحوحني لحدا غيرك ..
ضلينا بالفقر ٤ سنين وحالة زوجي من سيء لأسوء .. وما كان يسمحلي اني اشتغل ابدا ابدا .. رغم اني طموحة جدا وعندي افكار مشاريع بس كان يوخد كلامي بتفاهه ويضل بتمسخر علي .. بس انا أزهقت من الفقر .. وصرت احكي يا بشتغل واطعمي ولادي لو ع حساب طلاقي .. ربنا يسرلي اموري واقدرت اجمع ١٥ دينار وبشلت مشروعي بالسر ..وصرت اجيب الي ولادي كل اشي نفسنا فيه .. واحكي من امي .. ضليت سنة كاملة اشتغل بالبيت وما حدا داري عني لاني كنت دائما ادعي يا رب استرها معي .. وربنا كان يزديني واوفر واجيب كل اشي بدي إياه لبيتي واولادي .. بعد سنة بنات حماي كشفوني وفسدو عني لزوجي .. وصارت مشكلة كبيرة وحكيت مش مشكلة اذا بدو يطلق خليه يطلق باخد ولادي وبربيهم .. طبعا زوجي بالأخير سكت بس ضليت عايشة جحيم بمعنى الكلمة لانه كنت اشتغل ويشوف بايدي المصاري ينجن .. ومشاكل لا تعد وتحصى لدرجة ما كان يخليني انام واقعد يومين و٣ ايام مش شايفة النوم من نكده .. رغم هيك ربنا اعطاني الصبر والقوة .. وبعد معاناة سنة ونص وتعب مع زوجي ومشاكل عشان الشغل .. سكت .. بس الغيرة دبت بقلبه وصار يحاول يتحكم بمصاريه .. بس كمان اتجاهلت .. أتعبت كتير معه كتير كتير كنت اقعد ايام اصلي واعيط لربنا عشان الاقي حل مع الزلمة الي عايشه معه .. السنة الي فاتت اعملت انجازات كتير بفضل ربنا وربنا فتحها علي ووسعها علي كتير الحمد لله .. بس للأسف زوجي ما خلاني افرح ولا باشي .. كل اشي اعمله لبيتي عليه مليون مشكلة وتهديد وإذا جبت اشي لبيتي يضل شهر يهدد أنه رح يكسرو .. احملت وفترة حملي ما رحمني ابدا .. زاد مشاكله علي بطريقة بطلت اتحمل .. اولدت طلبت منه احتواء حكيتلو انا بحاجة شوية حنان بحاجة احتواء منك كنت طالعة من فترة كلها مشكلة وتعب حمل وولادة .. هو اتجاهلني تماما .. بس للأسف انا بعد هيك بطلت اقدر اعالج نفسي ابدا .. صار حتى لو يعمل موقف صغير بنظري يكون هاد الموقف ضخم ونفسيتي من صفر لصفر .. يستمر علي ايام وانا دموعي ما بتنشف .. لدرجة لما حكالي اذا ما بدك تردي علي اطلعي من حياتي .. حسيت براحة لما حكا هاي الكلمة .. وصرلي فترة مش طايقيته ابدا .. صرلي فترة بحكي لو يطلقني رح ارتاح من مرضه النفسي ..
كيف اطلع من هاي الحالة الي انا فيها أتعبت كتير كتير .. بحس زوجي يستكثر ع حالو نعم ربنا .. يستكثر ع حالو الولاد يستكثر ع حالو الرزق والخير الي من ربنا .. الحياة سهلة ليش هو مصعبها .. صار معي مصاري بتعشينا ملوك ومش عارفة اتصرف فيهم لانه رافض كل فكرة بعرضها عليه .. ليش اضلني عايشة جو الفقر وانا ربنا معطيكي لأعيش جو الأغنياء ..

بدي مرشد نفسي أو اجتماعي يساعدني كيف اتعامل مع هيك عقلية .. أو هو شو مرضه ؟

حصرياً لموقع Mndora.com العديد من المواضيع تجدها على موقعنا الإلكتروني

زر الذهاب إلى الأعلى