صفحة الاعترافاتمنوعات وأخبار تريند حالياً

اعتراف خيانة البنت لصدقيتها ومع زوجها



“مرحبا للكل. انا حابة احكي مشكلتي ويا ريت تحطوا حالكن محلي قبل ما تكتبوا تعليق.
الاسبوع الماضي صاحبتي حكت معي انها حردانة عند اهلها وبدها اصالحها مع زوجها وحكتلي شو صار معها بالزبط ومع اني كنت شايفة انه الحق عليها وعلى نكدها اللي بحياتها ما رح تتخلص منه وقفت معها وكنت احكيلها انه معك حق وهيك.. وبما انه مش حلوة اني اروح عالبيت عنده ونكون لحالنا رحت عمكتبه. وعلشان اكون صريحة اول مرة بنتبه قديش زوجها شخصيته وشكله واخلاقه حلوين واندهشت ليش ما كنت منتبهة اله بالجامعة يعني كنت دايما امشي مع صاحبتي وزوجها قبل ما يتزوجوا بالجامعة بس ولا مرة اعطيته اهتمام او اعطيت حالي فرصة اني احبه لانه كان حبيب صاحبتي. يعني قعدت معه ساعة ما حسيت فيهن حتى ما جبت سيرتها ونسيت ليش انا اصلًا رحت هناك وشخصيته وشخصيتي بلبقوا عبعض حتى انه احنا منشبه بعض بالشكل كمان ❤ كأنه هو نصفي الثاني❤ ومع اني ما بآمن بالحب السريع وال من اول نظرة بس مش عارفة حسيت بالساعة هاي اني حبيته وفات على قلبي حتى اني رجعت عالبيت بدون ما اجيب سيرة خناقتهن وحكيتلها انه مش راضي يصالحك، بعرف اني كذابة بس كنت بدي اتاكد من مشاعري اتجاهه واضطريت اني اعبي راسها انه الحق معها وعليه عشان اتاكد من احاسيسي وعنجد زرته مرة ثانيه وحتى زاد اعجابي فيه ومش مصدقة كيف كنت عمياء عنه وهي اصلا ما بتستاهله ودايما بتنكد عليه ومش عارفة كيف ضحكت عليه واتزوجها وانا دايما بحكي انه الرجل المنيح بستاهل زوجة منيحة وصالحة والعكس صحيح بس هو احسن منها من جميع النواحي وبستاهلني انا لاني بعرف شو بستحق وبعرف ادلل له احسن منها للنكدة. واحنا ما بنقدر نتحكم بمشاعرنا وانا حبيته من قلبي وجربت اجس نبضه اتجاه مرته وحسيت انه مش طايقها وطلاقها جاي لا محالة لاني بعرفها وعمرها ما رح تتغير .
وانا حاسة فيه وبقدر ادلل له اكثر منها وانا حابة انها هي تطلب الطلاق علشان اقف جنبه ويحبني. بعرف انه غلط اللي بدي اعمله واللي عملته بس مشاعرنا مش لازم نكتمها ولازم ندور عسعادتنا قبل سعادة غيرنا وهي اصلا اذا بتحبه لازم تدور عسعادته وتتركه لبنت تقدره وتبسطه مثلي.”

زر الذهاب إلى الأعلى