ترشيحات أفلام ومسلسلات للمشاهدةتريند النجوم والفنتريند عالم السينما والمسلسلاتمراجعات أفلام ومسلسلات

افضل فيلمين عربي شوفتهم فى 2023

افضل فيلمين عربي شوفتهم فى 2023 هما “وش في وش” و “فوي فوي فوي” ، وحقيقي يستحقوا التشجيع والمشاهدة ويبقى ليهم بوست لوحيدهم

– لأن زي ما كنت من شهر ونص كنت بهاجم الافلام المصرية لأن مستواها وصلت لدرجة انحدار الواحد ماشفهاش قبل كدة ، لازم برضه كنت أشير لأفلام مصرية فعلا متقنة واستثنائية مش مجرد افلام حلوة

– الفيلمين دول فيهم كل عناصر السينما من سيناريو وحوار وصوت ومكساج ومونتاج وموسيقى تصويرية وأداء ممثلين وديكورات وكمان إخراج والاهم وراهم شركة انتاج سينمائية اهتموا يطلعوا جودة افلام اكتر من انهم يكسبوا ايرادات وهما شركة “كلينيك” وشركة “سي برودكشن”

– وغير كدة افلام عندها حدوتة وقصة بتتفرج عليها وتحس انهم بيعملوا حاجات جديدة تضيف للسينما المصرية مش مجرد افلام حلوة او فيلم الواحد يشوفوا والسلام

– ف زي ما كنت بهاجم لازم برضه اطلع واشيد بأهم فيلمين مصريين يمكن او الاكيد هما الافضل فى اخر 5 سنين وصناع الافلام ديه لازم يبقى ليهم دعم من نوع خاص ، شكرا لانكم بتحافظوا على حاجة اسمها “سينما” ❤️🎬

زر الذهاب إلى الأعلى