ترشيحات أفلام ومسلسلات للمشاهدةمراجعات أفلام ومسلسلات

الفيلم الرائع Hotel Mumbai

نعود لترشيحات افلام الاكشن والإثارة 🔥 وترشيحنا النهاردة هيكون لواحد من أفضل أفلام الإثارة والتشويق فى السنوات الأخيرة المبنى على أحداث حقيقية وهو إنتاج هندي أسترالي أمريكي 🇮🇳🇦🇺🇺🇲 واللى بيحتوى على الكثير من المشاعر والمشاهد المؤثرة 😍
Hotel Mumbai ♥️🔥

الفيلم بتدور أحداثه فى فندق “تاج محل” وهو يعتبر أحد أشهر الفنادق في مدينة مومباي فى الهند 🇮🇳 واللى بيتميز بفخامته وعدد سياحه الكبير ✨ .. فى يوم من الايام عام 2008 بيتعرض الفندق لهجوم إرهابى غريب ومفاجئ من مجموعة من الأفراد المسلحين 😱 .. بتكون فى نفس الوقت الهجمات فى مناطق مختلفة ومتفرقة فى مومباي ولكن الهجوم الأكبر والأساسى هو الفندق اللى بيق*تلوا فيه العديد من النزلاء والعاملين وبيتخذوا فيه عدد كبير من الرهائن 💔 .. بيكون للمجموعة الإرهابية أهداف محددة لكن برغم قتلهم لعدد من العاملين والنزلاء بيحاول مجموعة من الرهائن الاختباء فى محاولة للهرب خارج الفندق خصوصاً مع انهيار الشرطة فى مواجهة الإرهابين 🤦 .. ومن هؤلاء العامل البسيط “أرجون” اللى بيساعدهم فى الهروب 👏 فيا ترى هينجحوا فى الهرب وإفساد خطة الارهابين؟! ويا ترى ايه اللى هيحصل 👀🔥

الفيلم من بطولة المجتهد ديڤ باتيل ♥️ وبيشاركه البطولة عدد من النجوم زى نازانين بنيادى وارمى هامر وتيلدا هارفى وانوبام خير والمخضرم جيسون اسحاق ❤️

والفيلم من إخراج انتونى ماراس والفيلم بيحكى قصة حقيقية حدثت فى مدينة مومباي عام 2008 فيما عرفت إعلاميا ب”هجمات مومباي الإرهابية” 👌

الفيلم راااائع بجد ♥️ هو من نوعية افلام الاكشن والإرهاب واحتجاز الرهائن اللى بتدور أغلب أحداثها فى مكان واحد وفى يوم واحد والنوعية دى محببة لينا جداا كمشاهدين لما بيتم تقديمها بشكل صحيح وقوي وجذاب ومؤثر وده بالظبط اللى قدر يحققه الفيلم 👌 .. فالفيلم قدر يقدم العديد من مشاهد الأكشن والاشتباكات القوية وتحديدا مشاهد الاقتحام واللى كانت ومثيرة للغاية وفيها قدر كبير من الابتكار 🔥 وقدر المخرج يحافظ على شد الأعصاب اللى كسب به المشاهد منذ البداية طوال أحداث الفيلم بمشاهد حابسة للانفاس فيها ذكاء وقوة وقسوة احيانا 💥 .. وفى نفس الوقت قدر يخلق لكل فرد من الرهائن قصته ومساره المناسب لشخصيته مما أدى إلى خلق عدد من المشاهد الدرامية الراااائعة والمؤثرة جدااا خلقت حالة من التأثر الشديد عند المشاهد مع الفيلم تصل إلى حد الصدمة 💔 .. وأعطي الفيلم مساحة كبيرة للممثلين لاظهار قدراتهم فكان الجميع في أفضل أحواله حقيقي ♥️ كل ده جعل منه فيلم اكشن وإثارة ودراما مختلف متميز ليه شخصيته اللى جعلت منه من افضل افلام الفئة دى فى السنوات الأخيرة ✨

الفيلم صدر عام 2018 وحصل على مراجعات نقدية مرتفعة جدااا 👏 وكان أول عرض له فى مهرجان تورنتو وحاز على إعجاب شديد من الجميع ✨

فيلم اثارة واكشن ودراما راااائع لسهرة مثيرة جداااا 🥰

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى