مراجعات أفلام ومسلسلات

الفيلم بيكلم عن الطفل ياسين اللى عايش مع باباه ومامتة ولكن تقريبا ياسين مش بيحب عيلته بالقدر الكافي لأنهم

– فيلم “ساعة إجابة” هو الفيلم اللى ملحقتش اشوفة لانه اترفع من السينمات حرفيا بعد 10 ايام عرض وبقى متاح على كل المواقع ، الفيلم بيكلم عن الطفل ياسين اللى عايش مع باباه ومامتة ولكن تقريبا ياسين مش بيحب عيلته بالقدر الكافي لأنهم بيرفضوله اغلب طلباتة ودة بيخليه يلجأ انه يدعي انه يبقى مع اب وام تانيين وطلب بيستجاب وبنخش فى حوالى 4 مغامرات وبنشوف اية اللى هيحصل

– الفيلم من نوعية الافلام اللى متوجه للأطفال بشكل مباشر جدا وفيه قدر من الكوميديا والرسايل اللى بتكون موجه ليهم ولأهاليهم وديه طبعا وانت بتتفرج محتاج انك تصغر مخك شويتين وهنا انا مش بقصد اسأة بالعكس كلنا بنبقى أطفال لما بنتفرج على اغلب افلام Pixar او افلام زي Home Alone وحاجات تانية كتير

– لكن بالنسبالي الفيلم عمل فرص للمعاملات والرسايل بشكل حلو جدا وخصوصا فى النصف الاول اللى كان بيضم أول مغامرة تحت قيادة عصابة فى تجارة السكريات والشيكولاتة وحقيقي دمها خفيف والتانية مغامرة الشحاتة وعدم التعليم ودة كان اكتر مغامرة عجباني وطبعا كانت بطولة محمد ثروت وإيمان السيد بالكامل ويمكن اكتر فصل ضحكت فيه

– لكن الفصل الثالث بالنسبالي كان فصيل لانه مش عايز اوصفة ان دمة ثقيل بس فعلا حسيته مقحم ومالوش اي علاقة باحداثنا ولا ليها اي رسالة ولا حتى غيرت حاجة فى بطلنا “الطفل” واللى هو فجأة عايزين نعمل اغنية كمان ، بس حقيقي كان فصيل وماتبسطش منه على الإطلاق

– اما اخر مغامرة وهي مغامرة سوبر هيروز وهي بالنسبالي أفضل ثاني مغامرة بين المغامرات الأربعة وكانت دمها خفيف ولكن رغم ان هي مش الأكثر اضحاكا بس كانت مؤثرة وتلقائية

– يعيب الفيلم هو المغامرة الثالثة اللى معجبتنيش خالص ، والفيلم قفل بشكل سريع جدا ولكن على كل حال الفيلم سهرة حلوة وينفع سهرة ليوم الخميس او الجمعة مع العيلة وفيه رسائل مباشرة جدا إيجابية والطفل سليم كدة كدة له قبول ولايق على دور

التقييم النهائي:(7/10)

نقلا عن صفحة الناقد والمشاهد على فيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى