صفحة الاعترافاتقصصمنوعات وأخبار تريند حالياً

انا بنت اهلي أطلقوا وانفصلوا بعد أسبوع من ولادتي وصارو بدهم يرموني الشارع ( قصتي )


انا بنت عمري ٢٤ انا اهلي انفصلو بعد اسبوع من ولادتي اخذتني امي اول ٥ سنين من حياتي بعد هيك صارت تبعثني عند ابوي لانو سمعت انو بدو يتجوز وصارت تحكي بدها ترميني وهي بدها تشوف حياتها ابوي صار يوخذني ٣ ايام بالاسبوع والباقي عند امي طبعا لما اروح عند اهل ابوي كانو يكرهوني ستي وسيدي وعماتي ما كانو يحبوني ولا كانو يحنو علي كان بوقتها عمري ٥ سنين بس متذكره كلشي زي الحلم وستي ام امي كانت تحكيلي كل شي وكنت بس اروح من عندهم اكون خايفه ومرعوبه واحكيلهم انو بيضربوني هناك وكنت اخاف اروح عندهم بس امي ما كانت تسأل وكانت كل همها تشوف حياتها وابوي كان بدو يتجوز وانا اخر همهم يعني عدت الايام وصار عمري ١٩ ع نفس هاذ الوضع بس امي تجوزت وابوي تجوز وجابو ولاد كمان كنت اروح عند ابوي اشوف كيف بعامل مرتو وكيف بحن على ولادو كنت اتوجع اشي جواتي ينحرق وانا ما كان يسأل علي كانت مرتو منيحه معي حرام وما تعملي شي بس ابوي كان يروح يحكيلها عملتلك اشي زعجتك بالبيت حكيلي اذا ما بدك وجودها ما بخليها تجي لعندك بقلعها كنت اسمع هاذ الكلام وينحرق قلبي اكثر هاد الكلام يلي المفروض ينحكي الي انا يللي لازم يسألني اذا مرتاحه او لا وباقي الايام اروح عند امي وما كانت تحبني ابدا كانت تحكيلي انتي وجه النحس انتي بس شفتك ما شفت الخير كانت تحب ولادها كثير وبناتها وتدللهم وتلعبهم وتحتويهم بس انا لا كانت تجرحني دايما وانا صغيره كانت تضربني وحاليا عمري ٢٤ خلصت دراسه تخرجت لحالي فرحت لحالي وحزنت لحالي يوم تخرجي ما حدا منهم اجا لا امي ولا ابوي ستي اجت بس وقفت معي انا بطلت اروح عندهم وحاليا عند ستي ام امي بس هي مش رح تضل الي وانا بالاخر رح ارجع لعندهم بس ما رح ارجع ضعيفه رح ارجع بوضيفه وبسياره وبشقه لحالي مستحيل ارجع وانا مكسوره نفس زمان وفي ببالي مشروع زواج بس دعولي اموري تتيسر واتزوج ويكون ابن حلال ويعوضني عن كلشي راح

حصرياً لموقع Mndora.com العديد من المواضيع تجدها على موقعنا الإلكتروني

زر الذهاب إلى الأعلى