صفحة الاعترافاتقصصمنوعات وأخبار تريند حالياً

بلشت بعلاقه مع رجل عمره 41سنه وانا عمري 25 سنه ( قصة فتاة يملاؤها الندم والقهر )


ربنا غفور رحيم ..
هيك رح اضل على يقين بهل كلمه ولو ذنبي اني وقعت بلحرام💔
بلشت بعلاقه مع رجل عمره 41سنه وانا عمري 25سنه من 3 اشهر بلزبط
انا تزوجت ع عمر ال19 سنه ، وما اتفقت مع طليقي كانت حياتي كثير سيئه وضرب واهانه وشك وبدون سبب حرمني صحتي واهلي و حياتي وتعليمي وكل إشي ،انظلمت ظلم الله بيعلم فيه والليالي بتشهد ع دموعي وصلاتي من الظلم والضرب
كنت طفله طالعه من التوجيهي ورايحه ع الجامعه
طالعه من بيت انا البنت الكبيره فيه و من قريه واهلي مش متفتحين زي اهل المدينة.. وصار النصيب بأني اجيب طفل ع هل حياه
وبعدين أستمر بتعذيبي و ضربي و سؤالي ابن مين هل طفل ..كان مريض نفسي كثير ع قد ما كاين الو علاقات ببنات💔 وانا الي تحملت كل هل ظلم من غبائي
طلبت الطلاق و تطلقت غصب عنه بأمر من القاضي
ومرقت 5 سنوات بلزبط و طفلي يكبر قدام عيوني .. رجعت كملت دراستي و ضللي فصل بتخرج
رحت ع الجامعه و رفضت كل العلاقات الحرام بحياتي وما عمري اعطيت مجال للغلط والحرام يدخل حياتي
ما بحكي عن نفسي شيخه ، لكن هاذ الي صار ومش مضطره اكذب لانه بدون إسم أصلا
راجعت بلمستشفى لموعد ، وفجاءه الطبيب بيعجب فيني .. انا روحت وما صار إشي
لكن قدر إنه يوصللي وبعثلي بوقتها
ومن فضولي السيء💔 قبلت أرد عليه ونحكي
ضل يسمعني ويضل ساكت ما يحكي عن حالو .. بعد كم يوم حكالي إنه لساتو متزوج وأنه عنده طفلين
وبينه وبين ام ولاده محكمه وشقاق ونزاع ،، انا انصدمت انه لساتها ع ذمته.. بس هوه اقنعني إنه الموضوع منتهي و الي ضل حبر ع ورق بس

صرنا نحب بعض والحب يوم عن يوم زاد بينا .. لقيت فيه كل إشي بحلم فيه .. قلبي دقلو يا ناس 💔
أول مره احس بلحب
اول مره أحس بمشاعر خاصه لشخص معين
اول مره أتأثر بريحة عطر حدا

كنا نشوف بعض و نقعد
بلشت بلمسة إيد وبعدين بوسه💔 وما شفت الا الي صار بينا كبير كثير 💔 كانو متزوجين
بلحظة شيطان و لحظة انسانه وسخه مثلي ضيعت كل أخلاقي فجأءة
كل هل سنين الي كنت محافظه على حالي فيها طارت بلحظه وحده يا جماعه😭

زي النار بقلبي زي السكينة
طول الوقت ببكي ،، حاولت أبعد عنه ما قدرت
اليوم ناقشتو بلموضوع وسالتو اذا رح نتزوج. وحكالي انا ما وعدتك باشي من الاول وما كذبت عليكي
بس انا مش مستعد ل اشي اسمه زواج مره ثانيه
انا بحبك بس برضو ما وعدتك باشي ثاني

انا مصدومه كثير من الي سمعته .. ليش عمل هيك فيني !
انا ما قصرت معه باي مشاعر وفوق هاذ تنازلت عن شرفي عشانه💔

ساعدوني
اذا فيه طريقه اغيرلو تفكيرو و نتزوج يا ريت تخبروني لأني كثير حبيتو💔 ومتمنيه يكون زوجي و نكون سعيدين سوا
لانه علاقتنا كلها سعاده ،، بس الحرام الي صار خرب كل اشي بحياتي 💔
واذا ما فيه بدي طريقه اخلص من هل ذنب و التعلق الي متعلقيتو فيه
و الحب الكبير الي جوات قلبي الو💔 و كيف رح انسى وارجع طبيعيه

حصرياً لموقع Mndora.com العديد من المواضيع تجدها على موقعنا الإلكتروني

زر الذهاب إلى الأعلى