مراجعات أفلام ومسلسلات

طرح فيلم “Mission Impossible Dead Rocking Part1” يوم 9 يوليو بسينمات مصر 🎬

– مساء الفل ، بمناسبة اقتراب طرح فيلم “Mission Impossible Dead Rocking Part1” يوم 9 يوليو بسينمات مصر 🎬❤️

– هنتكلم عن كل جزء فى السلسلة بشكل سريع وترتيبي من الأفضل إلى الأسوء فى السلسلة وبداية معرفتي بيها وكل حاجة وطبعا طبعا اي حد ماشفش السلسلة يبتدي يتفرج عليها ومش هيندم ابدا ❤️

– الجزء الأول من الفيلم نزل 1996 وكان وقتها حدث لانه من الافلام المهمة فى عز نجومية توم كروز وكان بيشاركة فى البطولة جين رينو بطل فيلم “Leon The Professional” والفيلم من وجهة نظري هي اللى فتحت الباب انه يتعمل منه أجزاء من غير حلب وانه يحاول فى كل جزء انه يحافظ على مكوناتة سواء فى الشخصيات او الاكشن او الجاسوسية او العاب العقل او لحظة الفيلم الأكبر فى المهمة المستحيلة اللى فيها حبس أنفاس

– الجزء الثاني من السلسلة نزل سنة 2000 وانا شخصيا بعتبره اقل أجزاء السلسلة لان الجزء دة اة حاول يتمرد على الجو العام اللى خلقه الجزء الأول ولكنه النتيجة كانت بالسلب الأجواء جادة زيادة عن اللزوم، العاب العقل اتمحورت فى اسلوب واحد فى فكرة تغيير القناع لدرجة ان احنا عملنها اكتر من 7 مرات واكن مفيش غير الفكرة ديه فى الدنيا ، الاكشن نفسه مكانش حاول يبقى متميز اوي ولكن الصراحة اللى شال الجزء دة ، هو الخط الرومانسي اللى فيه غير كدة ملاقتش عنده كتير

– الجزء الثالث من الفيلم نزل سنة 2006 اللى مفضل عند ناس كتير من محبين السلسلة بس انا مش من ضمنهم ، الفيلم دة اة اعتبروا جدا ان دة اللى قدر يصحي ويحيي السلسلة من اول وجديد وقدر يرسى القواعد بتاعته من تاني ولكنه قدر يتفرد ويتميز بيها واكن فعلا الجزء دة كان اسف لينا عن اللى أتقدم فى الجزء الثاني ولكن برضه انا حبيت الجزء الأول اكتر

– الجزء الرابع من الفيلم نزل سنة 2011 وانا بعتبره انه اكتر جزء بين الأربعة تفوق عليهم فى كل حاجة تقريبا رغم انه مقدمش مكون جديد كتير بس قدر يستغل كل حاجة فيها فى أعلى درجة ممكنة وخصوصا فى العاب العقل وكمان المخاطرات وشكل الاكشن الجديد اللى كان بيتقدم واكتر جزء حسيت انه دخل القلب كدة ومن رغم كل التفوق دة كنت بسأل نفسي سؤال هي السلسة هتفضل كل جزء كدة مغامرة واكشن وجاسوية وبس ، مش هنطلع اكتر على شخصياتنا ، مفيش مهمة هتبقى معقدة اكتر؟

– لكن الجزء الخامس اللى نزل سنة 2015 وبالمناسبة دة أول فى السلسلة كنت اشوفة فى السينما وأعتقد نزل بعد فيلم ولاد رزق باسبوعين ، والجزء دة كان فيه انعاش رهيب لان فعلا كل سؤال سألته فى الجزء الرابع حصل فى الجزء الخامس وفضل مكمل معانا ، بل كمان قدر إنه يخلي القصة مكملة معانا فى الأجزاء الجاية وبتبقى مترابطة دراميا بيهم وديه مخاطرة مش سهلة على صناعة ، خصوصا كمان انا بحب الجزء دة اوي عشان ريبيكا فارجسون ❤️

– والجزء السادس نزل فى 2018 ودة بالنسبالي اجمد جزء فى السلسلة بشكل عام لانه هنا قدر إنه يخليني مرتبط ومركز بالاحداث اللى فاتت وبنكمل معاة وشرير أحداث الجزء الخامس مكمل معانا وليه له مخطاراتة وكمان بيخش معانا شرير تاني ومعروف وهو هنري كيفيل اللى كان عامل أداء رائع ❤️ والفيلم دى برضه قدر يستمثر فيه كل العناصر وبعتبره واحد من أفضل أفلام الاكشن فى التاريخ ❤️🎬

– هنا بقى بنصح اي حد عايز يشوف الجزء الجديد ف لازم يتفرج على الخامس والسادس لان القصة مكملة معانا فى الجزء دة ومن الواضح كمان ان فى الجزء الجديد قصتنا هتتقسم على جزئين وكمان هيبقى فيه اكتر من شرير ودة برضه تغيير من صناع العمل انا بحترمه جدا

وبالنسبة لترتيبي لسلسلة :
الجزء السادس ثم الجزء الرابع ثم الجزء الخامس ثم الجزء الأول ثم الجزء الثالث واخيرا الجزء الثاني

ياريت تقولولي فى Comments ترتيبكم هيكون اية 🎬❤️

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى