تريند عالم التكنلوجيامقالات تكنولوجيا

طريقة تقوية تغطية شبكة الواي فاي وجعل السرعة صاروخية

لو الوايفاي عندك مش بيوصل لأخر الشقة ممكن تحل المشكلة دي عن طريق اي راوتر قديم عندك وبـ ٦ خطوات بس!

الحل بيكون عن طريق اننا نحول الراوتر القديم لمقوي شبكة، ياخد الانترنت من الراوتر الأساسي ويوزع وايفاي في الأماكن الي التغطية فيها ضعيفة.

١- هتعمل ريسيت او “اعادة تهيئة” للراوتر القديم بتاعكو في ضهر الراوتر هتلاقي خرم صغير، هتدخل دبوس في الخرم ده وتضغط على الزرار حوالي ٥ ثواني لحد لما تلاقي اللمبات الي في الراوتر تفصل وتشتغل تاني، وكدا نكون رجعنا الراوتر كأنه جديد.

٢-هتوصل الراوتر بالكمبيوتر باستخدام سلك انترنت، وده في الأغلب هتلاقيه موجود في علبة الراوتر ولونه اصفر كدا.

٣- هتفتح جوجل كروم أو اي متصفح عندك وتكتب في السيرش 192.168.1.1، وده هيفتحلك صفحة اعدادات الراوتر، وهتلاقيه طالب منك اسم المستخدم وكلمة المرور، دول هتلاقيهم مكتوبين في ضهر الراوتر، ولو راوتر قديم هيكون الاتنين كلمة admin.

* الخطوات من هنا ممكن تختلف من راوتر للتاني، بس في المجمل هتلاقي الكونسبت واحد انا شارح الخطوات من راوتر we *
* اهم حاجة في كل خطوة تعملها تضغط save *

٤- هتخش من فوق على Home internet وتختار من الشمال WLAN Settings وتجيب منها Advanced Settings, هتلاقي خيادر اسمه channels متفعل على auto هتغير القيمة دي وتخليها 7، وبعدها تدوس save.

٥- هنرجع للقايمة الي على الشمال تاني ونختار منها LAN Interface ونختار DHCP Server هتلاقي زرار صفير بيوقفهولك خالص هتدوس عليه وبعدها تدوس save.

٦- من نفس القايمة هنختار LAN Interface Setting هنلاقي اول خيار بيعدلك الـ IP بتاع الراوتر الي هوا 192.168.1.1 هنسيب كل الخانات فاضية ونعدل اخر رقم الي هوا ١ نخليه اي رقم فوق ٥٠, يبقى ٦٠ مثلا او ٦١ براحتك.وبعدها تدوس save.

وبكدا نكون حولنا الراوتر القديم لمقوي شبكة تقدر تحطه في المكان الي مش بيوصله واي فاي وتوصله بسلك انترنت بالراوتر الاساسي وهيشتغل معاك.

زر الذهاب إلى الأعلى