صفحة الاعترافاتقصصمنوعات وأخبار تريند حالياً

علاقة حب داخل الجامعة بين شاب وفتاة لكن النهاية مؤلمة

اعتراف
السلام عليكم
بعرف هلا في ناس كتير رح تسبني وما رح يعجبها كلامي
بس هيك اشي مش بايدي والله
قصتي بلشت من الجامعه حبينا بعض انا وشب
وعلاقتنا كانت كثير حلو ومبنيه على ثقه ومحبه من رب العالمين وكان واعدني لما نتخرج ويشتغل رح نتزوج تخرجنا وضلت علاقتنا بنفس المحبه غير فيني اشياء كثير للاحسن خلاني وحده ثانيه كل اشي غلط بحياتي تعدل بفضل رب العالمين وبفضله
عدت السنين واحنا لسه بنحكي وبنحب بعض وبنستنى باليوم اللي يجمعنا … فجأه بحكيلي اهلي مش قابلين نتزوج بدهم يشوفولي وحده من ثوبنا
احنا من اماكن وعائلات مختلفه وهما اشد شوي منا على العلم اني حكيتلكم غير فيني اشياء كثيرة طريقة لبسي طلعاتي حكياتي وكل شي والله كنت مستعده اعمل المستحيل عشانه لانه هو كل حياتي
وصارت وتزوج وحده غيري متت الف موته الله بس بيعلم شو صار فيني وعملنا بلوكات لبعض وهلا هو عنده ولد عمرو 4 سنين
ما قدرت اتخطاه ولا يوم ولا ثانيه بعدني بحبه وما بعرف كيف عمل هيك فيني
وبعد كل هالسنين ما بعرف كيف رجعنا نحكي صار معي حادث كثير كبير ودخلت مستشفى مده طويله حرفيا رجعت من الموت الحمد لله
بهاي الفتره بعثلي وكان يطمن كل يوم ما قدرت ما ارد عليه وبعدها صرنا نحكي كل يوم وكل شوي وطلعنا مرتين مع بعض
وهلا رجع يحكيلي بحبك وما نسيتك وما بتروحي من بالي واحساسي هو هو من سنين ما تغير معه
بعرف انه متزوج بس شو اعمل انا بحبه وهو بحبني
امانه انصحوني قلبي بوجعني والله
بعرف مش ذنب مرته بس مش ذنبي كمان انا حبيته اول وهو بحبني الي
يشهد الله بعمري ما حكيتله اشي عنها او غلطت فيها رغم دايما بشكيلي منها وانهم مش متفقين وبنصحو دائما كيف يتعامل معها وقلبي من جوا محروق
شو اعمل امانه ساعدوني كثير حاولت انساه ما قدرت وهلا رجعت تعلقت فيه أكثر من اول 😔💔

حصرياً لموقع Mndora.com العديد من المواضيع تجدها على موقعنا الإلكتروني

زر الذهاب إلى الأعلى