صفحة الاعترافاتقصصمنوعات وأخبار تريند حالياً

فتاة عشرينية ولدت لعائلة غنية الا انني لم اشعر بقيمة الحب ابدا في حياتي


انا فتاة عشرينية ولدت لعائلة غنية الا انني لم اشعر بقيمة الحب ابدا في حياتي. و هاد بسبب اعتقاد عائلتي ان الحب يكون ماديا فقط و لا اهمية للمشاعر او العواطف.
طبعا بدي اوجه نصيحة للشباب و الصبايا المقبلين عالزواج بعمرك ما تفكر انو الدعم المادي عن طريق الفلوس و الهدايا فقط للابناء انو بغنيهم عن الحب و الحنان الي بحتاجوه من الاهل. الطفل ما حيتذكر غرفته الحلوة و لا عدد الهدايا الي جبتله اياها بس بالمقابل رح يتذكر وقفتك معه نفسيا لما احتاجك و حضنك اله لما كان يعيط و بعمرك ما تحكيله شوف انت عندك كلشي ليش قاعد بتتدلع؟

خصوصا الاباء، حاول تكون انت الصديق الاول لابنتك و رجاء لا تكسر ثقتها فيك لانو مجرد ما البنت تشوف انو مصدر الامان الوحيد الها انعدم اعرف تماما انها صعب توثق بالناس الي برا و حتصير تدور ع الحب خارج المنزل و حتتعلق بأي انسان رح يقدملها ذرة اهتمام.
الامهات، لما بنتك تجي تعيطلك رجاء اقعدي افهمي منها مالها لا تحسسيها انها عبئ ثقيل ، احضنيها و احكيلها انك رح تكوني معها بكلشي بتمر فيه. اقسم بالله هي ما بدها الهدايا و الفلوس قد ما بدها حد يقلها انو بظهرها و معها دايما. و لا تضربي البنت قدام حد و لا لحالها ، البنت بتضل محفورة بعقلها هاي الشغلة و اذا انمدت ايد عليها ما حتعرف تدافع عن حالها مستقبلا. و اسمعيلها اذا اجت شكت من اشي، لا تخليها تحسب حساب الكلمة قبل ما تجي تحكي معك عن مشاكلها.

و ضلو احكو لبناتكم انتو حلوات انتو اميرات عززوا ثقتهم بحالهم بحيث اذا سمعو هاد الحكي برا البيت ما يستغربوا ، و ان كان و لابد بدكم تحلوا مشاكل اسرية حلوها رجاء بعدم الصراخ و الضرب خصوصا قدام الاطفال. و لا اتضلكم مشغولين طول الاسبوع حاولوا عالاقل تحددوا ساعتين كل يوم تكون للعائلة.
اذكر اني مرة كنت بفرجي الوالدة صور الي و انا مبسوطة ف حكتلي لا تفكري حالك كثير حلوة انت عادية. نعم تضايقت الا اني تعودت و العوض من الله دائما.
دمتم بأمان، و نعم الدعم المادي مهم و لكن لا يُغني عن الدعم النفسي و العاطفي ابدا.

حصرياً لموقع Mndora.com العديد من المواضيع تجدها على موقعنا الإلكتروني

زر الذهاب إلى الأعلى