ترشيحات أفلام ومسلسلات للمشاهدةمراجعات أفلام ومسلسلات

فيلم الانمي اليابانى الرائع “Suzume” متاح دلوقتى اونلاين ويستحق المشاهدة ومناسب للسهرات

فيلم الانمي اليابانى الرائع “Suzume” متاح دلوقتى اونلاين ويستحق المشاهدة ومناسب للسهرات

والفيلم من كتابة وإخراج “Makoto Shinkai” وده الراجل إلى قدم لينا افلام انمى رائعة زى:
– Your Name (2016)
– Weathering with You (2019)
– The Garden of Words (2013)

والمشترك بين أفلامه كلها هو الجوانب الدرامية القوية الممزوجة بالثقافة اليابانية والخيال النابع منها وطبعا بالابهار البصرى، وده كله موجود فى فيلمنا النهاردة

وإلى قصته بكل بساطة بتتكلم عن بنت فى المدرسة اسمها “Suzume” بتكتشف بوبات بتظهر فى أماكن مختلفة بشكل عشوائى والبوابات دى فى نفس مهمتها أنها تقفلها لأنها لو متقفلتش هتسبب كارثة طبيعية فى المكان إلى بتظهر فيه، وبشكل ما بتقابل “سزومى” واحد من الأشخاص المسؤولين عن غلق الابواب، وإلى فى نفس الوقت بيقع فى مشكله وبتقرر انها تساعده … وبس كده وبنشوف هيحصل ايه

من غير كلام كتير زى ما قولت فوق الفيلم على المستوى البصرى مبهر جدا وكل مشاهد الأكشن المتعلقة بغلق الابواب والخيال من أروع ما يكون على كل الأصعدة، وضيف على كده برضه الجانب الدرامى إلى ديما موجود معانا فى أفلام هذا الرجل وبنفهم معناه فى نهاية الفيلم

وعلى مستوى المغامرة الفيلم مسلى جدا ونوع المشكلة إلى الشخص وقع فيها محتاجه تكون بتتفرج على انمى عشان متتخضش منها اوى أو تكون واسع الأفق والخيال

تعقيبى السلبى الوحيد على الفيلم أنه كان ممكن مدته تقل حاحة بسيطة … وبس كده وإلى اتفرج على الفيلم يشاركنا رأيه في الكومنتات ✌🏻

وتقييمى للفيلم …. (8 / 10)


#suzumenotojimari

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى