مراجعات أفلام ومسلسلات

فيلم “تاج” وهو من نوعية افلام السوبر هيرو

– اخيرا وصلنا لآخر افلام عيد الاضحى فيلم “تاج” وهو من نوعية افلام السوبر هيرو وبتحكي عن شخصية تاج اليتيم وبيشتغل مدرس موسيقى وبيكتسب قوة خارقة ولكن مع الوقت بيحصله تعقيد وبيظهر له اخ تؤام بيقف فى طريقة ويعوق له كل نجاحاته وبنشوف اية اللى هيحصل

– الفيلم طبعا كتجربة ان سوبر هيرو كويس ان احنا ابتدينا نهتم بالجانب دة وعايزين نخش فيه ودة بعد فيلم “موسى” ومسلسل “الراجل العناب” وكانت اعمال جيدة من رغم ان فيها عيوب

– لكن للأسف فيلم تاج هو خطوة للخلف لانه محققش أي انجاز على اي مستوى يعني القصة يمكن يطلع منها حاجات كتير ولو اتكتب صح ولو اخد وقتة صح كمان لكن انا شايف ان الفيلم عبارة عن كل مشهد تيك توك واسكتشات ومتصور بطريقة الكليبات كمان ، المؤثرات البصرية تعبانة ومفيهاش اي نوع من التحدي

– الكوميديا متاخدة من الفيس بوك ومن الميمز بفيديوهاتها ومن كومنتس وكل حاجة اللى انت عايزها وحاجة فى قمة الاستسهال كمان فيه بعض التلميحات اللى من تحت لتحت ويعني انا فعلا مكنتش متوقع ان هشوف حاجة اسوء من كوميديا مستر اكس ، بس انا فعلا بعتذر للفيلم لأن فعلا متخيلتش يبقى فيه اسوء

– ولا الاكشن والمعارك ضحك للركب من كتر ما هي كرينج يعنى فعلا اللى عايز يخش يقرف نفسه انصحة بالفيلم دة ، يمكن شوية الأداء من تااامر انه بيحاول يقول حاجات بتضحك بعضها ناجحة ، ظهور عمرو عبد الجليل مكانش وحش

– بس فعلا انا حاسس ان من كتر ما الفيلم وحش ، حرفيا مش عايز ادبح فيه وفى نفس الوقت مش قادر اتكلم ، عارفين الحسنة الوحيدة اية إنه احسن من فيلم “بحبك” وانه سريع وانا مش عارف اية اللى بقوله دة اصلا 🙃

– حرفيا تامر لو عايز يحقق النجاح التجاري وبيسعى انه يقدم شئ مختلف انا بقترح انه يشتغل مع المخرج بيتر ميمي يجرب بس وساعتها انا واثق انه هيعمل عودة قوية وكويسة جدا ، بس للأسف مش عارف هل هو هيستمر فى تأليف والانتاج والاخراج ولا هيتعاون مع حد مختلف ، لأن الصراحة انا مش عارف هو بيعمل اية

التقييم النهائي: (4/10)

نقلا عن صفحة الناقد والمشاهد على فيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى