ترشيحات أفلام ومسلسلات للمشاهدة

فيلم قلب امه

الكوميديا المفروض إنها بتعتمد على العلم والدراسة، بمعنى إن اللي عايز يكتب كوميدي بيدرس موضوع الكوميديا ده ويفهم ويتعلم أساليب الإضحاك (ازاي تعمل ضحك).. في فيلم “قلب أمه” الضحك معتمد على إن في واحد مجرم كبير بيتعمل له عملية زرع قلب، وبيتحط له قلب واحدة ست، وبنشوف علاقته وهو مجرم خطير بقلب واحدة ست بـ ابن الست دي، فبيكون في حالة تناقض غريبة بيطلع منها كوميديا.. الفكرة نفسها يطلع منها كوميديا حلوة، هنا بيتقال في قماشة كوميدي حلوة.. طالما عندك قماشة كوميدي فالطريق بقى ممهد عشان تشتغل وتعمل حاجة حلوة، نظبط الحوار والمواقف وأداء الممثلين، والفنيات بقى.. الفيلم – رغم عيوبه الإخراجية- إلا إنه فيه كوميديا كويسة، ومُسلي فعلًا، لإن البداية كانت صح، كان في قماشة كوميدي يشتغلوا عليها، وفي عناصر تانية -زي أداء الممثلين- اتعملت كويس، فالنتيجة مش سيئة، بس طبعًا لو كان الفيلم أخرجه مخرج شاطر، زي شريف عرفة مثلا أو علي إدريس، أو أحمد البدري حتى.. كان هيبقى أعلى من كده.. تاني.. الفيلم مُسلي جدًا ودمه خفيف.

زر الذهاب إلى الأعلى