تريند عالم السينما والمسلسلاتمراجعات أفلام ومسلسلات

فيلم “Barbie” متاح دلوقتي بنسخة حلوة جدا ( تقييم)

– فيلم “Barbie” متاح دلوقتي بنسخة حلوة جدا وهو بيحكي عن شخصية باربي اللى بتعيش حياة مثالية جدا ولكن بيحصلها مشكلة بتضر انها تنزل للحياة الواقعية ومعاه كين اللى واقع فى غرامها وبنشوف اية اللى هيحصل

– الفيلم طبعا معمول عليه جدل كبير اوي نظرا لاسماء ابطالة واسم المخرجة جريتا جيروج اللى عملت فيلمين وهما Lady Bird و Little Woman وكانوا رائعين جدا وانه نازل فى نفس الوقت مع فيلم “Oppenheimer” والفيلم لما شوفت إعلانه كان اعلان لطيف ولكن انا شوفتة لنفس الأسباب اللى قولتها من شوية غير كدة ولا كنت بصيت فى وشة اصلا 😂

– والحقيقة الفيلم فاجئني انه كان جيد جدا سواء على مستوى السيناريو او القصة المتماسكة اللى بيقدمها وبيخليك تتابع منظور تاني عن باربي والفيلم هنا بيكلم عن فكرة المثالية والتمسك بيها وعن فكرة الاحتكاك بالعالم الواقعي ونظرة المجتمع ليها سواء من الستات او الرجالة عموما سواء فى المظهر او الشكل العام وبيتطرق لحاجات تانية دمها خفيف واللى عجبني انه مش فيلم نسوي بالكامل

– لأن برضه السيناريو قدر يبرز شخصية كين هو برضه له شخصية وله تحولاته ومشاكلة ودة عجبني ان الفيلم ماشي بجانبي المنظور بين باربي وكين لكن ممكن اقول ان عيب السيناريو هو انه مش بيقدم جديد فى رسالتة او فكرتة عن اللى بيقدمها اي فيلم تاني لنفس النوعية

– الأداء التمثيلي اختيار مارجورت روبي كان جيد جدا للشخصية وهي اديتها بشكل جيد وعندها لحظات جيدة جدا ولكن موصلتش معايا ان اقول انها مثالية للدور او مفيش جد غيرها ينفع للدور ، ريان جوسلينج أداء رائع لدرجة ان حسيت ان مشاهدة اقل بكتير من مارجوت روبي ولكن اداءة واجتهادة كان طاغي على الشاشة وخصوصا ان بيمثل شخصية فى طبيعتها مختلفة عن اللى قدموا قبل كدة وعندنا ويل فيريل كان جيد وباقي الممثلين كانوا جيدين جدا

– الفيلم من ناحية الاخراج قدر إنه يبرز صور بصرية واستعراضات حقيقي كانت رائعة فى رسم الشخصيات والعالم بتاعها قدر إنه يقدم قصة حلوة وكوميديا كمان فعالة جدا وفقها كتير من السف خصوصا فى النصف التاني من الفيلم وبشكل عام الفيلم عجبني وكان فوق توقعاتي لانه حقيقي اسمتعت بيه

التقييم النهائي: (8/10)

زر الذهاب إلى الأعلى