مراجعات أفلام ومسلسلات

فيلم “Beau Is Afraid” هو أحدث افلام خواكين فينيكس والمخرج اري ايستر

– فيلم “Beau Is Afraid” هو أحدث افلام خواكين فينيكس والمخرج اري ايستر وبيحكي عن بو اللى عايش فى خوف دائم بسبب والدته وعنده معاها العديد من المشاكل ولكن هو لازم يحضر مراسم دفن والده ولكن فيه كذا حاجة بتمنعة ومعاها بنتعرف على نشأة بو واسباب خوفه عامة

– الفيلم من نوعية الدراما النفسية ودراسة الشخصية فى المقام الأول والرعب النفسي فى المقام التاني ، ولكن الصراحة دة اكتر فيلم ينتمي لنوعية ديه معمولة بشكل مختلف تماما ، لأنه الصراحة فيلم هيطاردك فى كوابيسك وتخيلاتك وتفكيرك زيك زي البطل بتاعه بظبط

– الفيلم كمان مدتة 3 ساعات وان كنت شايف ان مدتة اطول من اللازم ولكن الفيلم قدر يقسم السيناريو بتاعه ل 5 فصول وسريعا كدة الفصل الاول هو أول ساعة من الفيلم وديه مش هنفهم فيها أي حاجة لكنها اكتر ساعة مجنونة فى الفيلم ودة بسبب امنا بنتعرف على بو وبنشوف الحياة اللى بيعيشها فى المجتمع بتاعه وكوابيسه وقلقة من كل شئ سام حواليه والصراحة المخرج اري استر قدم حاجات أول مرة اشوفها واشياء انا لحد دلوقتي مش متخيلها ولا مستوعبها هو قدمها ازاي ، حقيقي على قد ما حسيت بالغرابة بس كانت اكتر ساعة مجنونة

– الفصل الثاني بيحكي عن بو وهو صغير وعلاقاتة وكمان وهو عايش مع ناس تانية بسبب حادثة ما ودة كان ف جيد جدا وايقاعة كان سريع ومظبوط ودة لغاية هنا بيخلص نص الفيلم وسريعا بييجي الفصل الثالث ودة يعتبر اكتر فصل الناس ممكن تحبه لانه اكتر فصل هادي وفيه خيال حلو جدا عن الحياة اللى بو كان نفسه يعيشها واكتر فصل مافيهوش رعب او دموي او خيال مقزز

– وبييجي اخر فصلين الرابع اللى بيوضح علاقتة بأمة وحقيقتة وازاي بتتعامل معاه ومدى سيطرتها عليه والخامس وبنكشف الحقيقة والتواء الحبكة ورغم انها اتعملت قبل كدة بس هنا المؤلف عملها بشكل رائع وصعب جدا وشايف انها من اجمد النهايات اللى اتعملت وواقعية جدا وملائمة للقصة

– وهنا كنت بشيد بالسيناريو وكتابتة وأما الحوار يمكن مش اقوى حاجة بين الشخصيات وكان مبهم زيادة عن اللزوم لدرجة ان مع طول مدتة ، هنضطر غصب عننا نسقط تفاصيل وطبعا عشان نشوفها تاني او نركز فيها تاني ، دة بيبقى صعب جدا عشان الفيلم فعلا من نوعية الافلام اللى تتشاف مرة واحدة لانه فيلم صعب على مستوى النفسي والبصري جدا

– واخيرا التمثيل كان اكتر من رائع من الجميع وهنا اقصد خواكين فينيكس اللى لسه عنده كتير يقدمة اكتر فى الدراما النفسية وبيعلي على نفسه اكتر واكتر ومش عارف ازاي الراجل دة قادر يمثل دلوقتي joker 2 بعد الفيلم دة حرفيا ممثل عظيم ، وباتي ليبون اللى عملت دور الام عظيمة جدا وأعتقد لازم ينالوا ترشيح مستحق فى الاوسكار

– والاخراج طبعا كان اكتر من مجنون على كل مستويات والصورة والمؤثرات كانت اكتر من رائعة وفعلا هنا كتالوج لفكرة يعنى اية تبقى مخرج وتقدر تعبر عن كل حاجة من خلال الصورة وتشرح كل دة من خلاله ودة يعتبر أول عمل اشوفه للمخرج وماشوفتش له أي حاجة قبل كدة

– الفيلم غبر مناسب اطلاقا اطلاقا للمشاهدات العائلية والفيلم على مستوى النفسي صعب وصادم وأعتقد أنه هو من الافلام اللى مش هتبقى مناسبة لكل ناس ولكن انا شخصيا اعجبت بيه جدا ولكن مش هشوفة تاني

التقييم النهائي:(8.5/10)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى