مراجعات أفلام ومسلسلات

فيلم “Extraction 2

– مساء الفل عليكم ، طبعا انا عارف المفروض المراجعة ديه تبقى مراجعة فيلم “The Flash” وعارف اكتر اني اتأخرت عليكم فيها لكن للأسف النهاردة كنت جاي اشوفة بس الحفلة اللى كنت داخلها كانت كومبليت ومواعيدي اتلخبطت ف ان شاء الله على يوم الاحد هشوفة ان شاء الله

– فيلم “Extraction 2” هو الجزء الثاني من فيلم “Extraction” اللى نزل فى 2020 وكان عجبني جدا وشايفة كانت نقطة مهمة فى افلام الاكشن وخطوة مهمة لكريس هيمسمورث وعجبني جدا ، ف هل الجزء الثاني قدم شئ جديد او قدر انه يحقق نفس النجاح؟

– اة الجزء الثاني من الفيلم قدر إنه يحقق نفس النجاح وقدر يتفوق على جزء الاول فى حاجات و لكنه فيه اشياء تانية مقدرش يتخطاه فيها

– يعنى القصة مثلا هتلاقوها هي هي زي الجزء الأول تمام ونفس الخطوط وهتلاقوا كل حاجة متوقعة ، بس الفيلم قدر يرسم بناء درامي للجزء الثاني كويس وبناء شخصيات جيدة وخصوصا انه قدر يعمل شخصيات رئيسية مكملين معانا كان ليهم دور قوي ومحسوس سواء فى تمثيلهم او حتى فى الاكشن ودة هيودينا لأهم نقطة

– الاكشن عندنا فى الفيلم كله بيتقسم 3 مشاهد واجمد مشهد وكان عظيم فشخ اللى فى النصف الاول وهو مشهد السجن حقيقي كان عظيم لأنه عبارة عن لقطة واحدة بكاميرا واحدة لمدة 21 دقيقة بظبط وتسلسلها رائعة التصميم والجودة وغير كدة المشهد مليانة تعقيدات من لحظة الإنقاذ والهروب والمجاميع والمعارك اللى ما بين الشرطة والمساجين مرورا بالمطاردة اللى فى الغابة لغاية المعركة مع الطيارات فى القطر مشهد من أروع المشاهد الاكشن فى 2023

– وفى النصف التاني عندنا مشهدين قصيرين زمنا وفيها اجتهاد برضه وجيدة لكنها مش بنفس ابهار أول مشهد من النصف الاول ، جانب الشر فى الفيلم كان جيد ولكنه نمطي إلى حد كبير وله احترامة طبعا ولبروفايل الشخصية وغير كدة الأداء المساعدة كانت جيدة من للجميع وكمان فيه ظهور خاص فرحت بوجودة وهو إدريس البا

– الجزء الثاني بعتبروا بنفس مستوى الجزء الأول وعنده نفس الموروثات وقدر يستغل كل حاجة عجبتنا منه فى الجزء الأول وان كان عدم وجود تبرير لبعض الحاجات اللى مش منطقية فصلتني شوية وأعتقد الدراما فى الجزء الثاني تراجعت شوية

التقييم النهائي: (7.5/10)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى