ترشيحات أفلام ومسلسلات للمشاهدة

فيلم Jungle Cruise

نقوم بتخفيف الأجواء ونعود لترشيحات أفلام المغامرات والكوميديا ✨ وترشيحنا النهاردة هيكون لواحد من أجمل أفلام المغامرات والأكشن والكوميديا فى السنوات الأخيرة وهو أحد أنجح أفلام عام 2021 فى نسب المشاهدات وحب الجمهور 😍
Jungle Cruise 🛥️🌊♥️

الفيلم بتدور أحداثه فى زمن قديم عام 1916 وبيحكى عن سيدة تدعى “ليلي هوتون” وهى دكتورة متخصصة فى علم النباتات 🌿 .. ولكن “ليلى” بيكون عندها إيمان شديد بالخرافات فبتؤمن بوجود أسطورة قادرة على علاج وشفاء الأمراض المستعصية وهى شجرة تسمى ب “عين القمر” 🌕 .. ولأن “ليلي” تتمتع بروح المغامرة بتقوم بسرقة شئ ما يدلها على مكان تلك الشجرة وبتقرر القيام بمغامرة مع أخيها الثرى فى الغابات عبر أنهار الامازون للبحث عن الشجرة 🌊 .. ولكن “ليلي” بتكون فى حاجة إلى مساعدة ربان مركب يكون على دراية واسعة بالنهر ولا تجد أمامها سوى ربان محتال لا تستلطفه إطلاقا يدعى “فرانك” 😅 .. بترفض “ليلي” فى البداية أن تتعاون معه ولكن بسبب ملاحقة منظمة غريبة لها بقيادة سيد ألماني يدعى “چواكيم” بتضطر إلى القيام مع “فرانك” بالمغامرة فى قاربه مقابل المال 🛥️ .. فبتنطلق “ليلي” مع أخيها و “فرانك” فى رحلة مليئة بالمخاطر عبر النهر مع ملاحقتهم من قبل هذا الچنرال اللى لديه نفس الهدف لكن لنوايا غير جيدة 💥 فيا ترى ايه اللى هيحصل 👀🔥

الفيلم من بطولة النجم المحبوب دوين جونسون أو الروك وهو واحد من أجمل أفلامه 😍 وبتشاركه البطولة النجمة الجميلة إيميلي بلنت 💞 وجيسي بليمنز وجاك وايتهول ✨

والفيلم من إخراج الرائع جومي كوليت سيرا ♥️ اللى قدم لنا العديد من الأعمال الرائعة زى Non stop و Unknown و The Commuter و The Shallows و Orphan 🔥

الفيلم جميل اوى بجد ♥️ هو فيلم عبارة عن طبخة من مغامرات وإثارة وأكشن وكوميديا وهى الطبخة المعهودة من إنتاج شركة Disney ✨ .. الفيلم بيقدم قصة معتادة وهى البحث عن كنز ولكن بيتفنن فى جعل رحلة البحث فى قمة المتعة والإثارة باختيار بيئة أحداث محبوبة ورائعة وهى أنهار الأمازون واللى قام باستغلال طبيعتها الخلابة والفريدة بشكل جيد جداااا لتقديم الكثير من مشاهد الإثارة والتشويق والأكشن داخل إطار القصة اللى فيه بعض الغموض أو المفاجآت الجميلة حقيقي 🔥 ومن خلال تلك الأحداث والطبيعة قدر يطلع كوميديا جميلة وفعالة وفيها سواء من خطوط الأكشن أو خط الرومانسية اللى كان ظريف حقيقي 👏 .. واللى قدر يظبط هذه الخلطة بعد الإخراج طبعا هو أداء دوين جونسون اللى كان جميل كالعادة على مستوى الأكشن وخفيف وممتع على مستوى الكوميديا واللى كانت مظبوطة منه فى رأيى اوى فى الفيلم ده ❤️ واللى ساعده فى ده هو ممثلة بحجم إيميلى بلانت اللى بتقدم أداء سهل وسلس سواء في الحركة أو الكوميديا المختلطة بالرومانسية بكيميا رائعة مع الروك 💞 وأيضاً جيسي بليمنز اللى كان مناسب اوى للدور مع حكاية القصة بشكل تاريخي شوية أضاف متعة مختلفة للفيلم مما جعل منه واحد من أخف وأمتع الأفلام فى الفترة الأخيرة ✨

الفيلم صدر عام 2021 عبر شبكة Disney+ وحقق نجاح كبير وشهرة واسعة بين الجمهور اللى أحب الفيلم كثيراً ✨

فيلم مغامرات وكوميديا راااائع لسهرة مثيرة جداااا 🥰

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى