صفحة الاعترافاتقصصمنوعات وأخبار تريند حالياً

قصة حبي ل زميلي في العمل بعد طلاقي مرتين


اانا عمري ٣٣ ومطلقة مرتين بس بدون اولاد وكل حدة بشوفني بقول اني ببين اصغر من عمري الحقيقي بكثير. انتقلت بعد طلاقي ل اشتغل بمدرسة دولية وكنت مبسوطة كتير بالشغل
حسيت في زميل معي بضل يتقرب مني ويظهر انه معجب كتير فيي
وصراحة لما سالني سؤال غير مباشر عن عمري استحيت اقله عمري الحقيقي لانه عمره ٢٨ سنة وقلت له انه عمري ٢٣ واني عزباء
وكل ما كان يسالني اسئلة شخصية احاول اتجنبها عشان ما تبين حقيقة عمري وهو يفهم قلة كلامي معاه انه خجل مني.
وصار الي توقعته. وطلب ايدي فما كان ظل في مجال اخبي الحقيقة، اعترفت له اني مطلقة مرتين وهو انصدم وعاتبني كيف كذبت عليه وانا انهرت واعتذرت منه كثير بس رفض اعتذاري وقلي اياك تفكري تحكي معي او بعملك مشاكل
وفعلا داومت لفصل كامل كان يتجاهلني تماما وصرف نظره عن الزواج مني وانا انكسر قلبي وعشت فترة صعب اتعذب من حبي اله لا باكل ولا بشرب بس بنفس الوقت حسيت براحة نفسية اني تحررت من كذبي زي هم وانزاح عني.
لكن تدريجيا رجع يحكي معي ويفتح مواضيع قدامي ورجع قلي انه خلص سامحني وما بهمه اني مطلقة وبده يخطبني وطلب موعد ليتقدم لي. لكن الصدمة انه غالبا لسة ما بعرف عمري الحقيقي. لا اكيد ما بعرف عمري وانا كنت معتقدة انه عرف لانه عمه اصلا بكون المدير وملفي مش صعب يشوفه اي إداري بالمدرسه. هو لهلا معتقد اني ٢٣ مو ٣٣ وانا رفضت عرض زواجه وقلتله بتستاهل احسن مني بس لسة بلاحقني وانا متاكدة انه لسة ما بعرف عمري الحقيقي
انا متدمرة يا جماعة وعايشة عذاب بسبب كذبتي عن عمري وحالي. المصيبة في رجل ثاني طلب ايدي وظروفه مشابهة لظروفي وانا موافقة عليه ومع انه قلبي بميل لزميلي بس عاطفتي بتميل للرجل الي متقدم لي ومش عارفة كيف اخبر زميلي انه خلص ينساني ويتركني بدون ما احكيله حقيقة عمري ويحس باحتقار اكتر تجاهي. انا ما بقدر يا جماعة اترك شغلي بالمدرسة كنت عايشة بعذاب الفراغ والبطالة وشغلي فيها وراتبي منها نعمة مسحيل افرط فيها
يا ليت الزمان يعود وما اكذب ابدا باي شيء لاي احد

حصرياً لموقع Mndora.com العديد من المواضيع تجدها على موقعنا الإلكتروني

زر الذهاب إلى الأعلى