صفحة الاعترافاتقصصمنوعات وأخبار تريند حالياً

قصتي مع البنت التي أعجبتني في العمل

مرحبا
انا صارلي متجوز سنة ونص مرتي عجبتني وأخذتها طبعا ماا أخذنا بعض عن حب لاا .


بس شفتها بالشغل ٣ مرات بعدها عجبتني وقلت هاي هي وخطبتها واتجوزتها فوري بدون حب ولا اي علاقة.


هي منيحة بشكل كبير وانا بحبها لدرجة يعني ما بقدر اتخيل فكرة اني اقضي يوم بدونها او اضايقها


وهي تستاهل هالاشي وقفت معي ب اكثر من موقف يعني اشرح اكثر مرة احتجت الف دينار اكمل حق سيارتي وكنت بدي اتداين من البنك لأنه مش منطق اخذ من مصاريها وهي عارفة رح ارفض رفض تام.


راحت أعطت المصاري امي وامي اعطتني اياهم وقتها ع اساس من امي . بعد ما جبت السيارة اكتشفت انهم منها تضايقت ما حبيت حقها وعديتها.

وقدرت الموقف حتى لما عملت حادث ووضعي كان سيئ وكنت محتاج دم كثير هي تبرعلتي اخر شي صارت تتعب كثير نقص دمها بس قالت معلش انا بوكل وبتحسن اما انت وضعك كان صعب ومحتاج ضروري

. انا ما بنسى اشوي عملته معي هي ما فيه منها بشوفها احسن دعم بالحياة لما أضعف. الها كثير مواقف ما بنساها
بس من سنة ونص ما صار بيننا اشي كنت بحكي عادي وكنت بحسها احيانا مش ع بعضها قرفانة الحياة بس قاعدة تمشي فيها .


احيانا بحضنها بس بتبعدني بطريقة غريبة
مبارح كانت قاعدة لحالها دخلت عليها حكيتلها مالك بتقلي ولشي الدمعة بعينها بس تكابر حكيت معها بشكل صريح
وحكيتلها لحد الان ما صار بيننا شي وانا مش قاعد بستنى ولا هامني.


بدي اعرف السبب ورح اسكت. انه ليش مبدها أقرب منها صارت تحكي مش قادرة انساه بشوفك صديق وشخص منيح كثير وما بخونك وبحترمك وكلشي بس اني بحبك هذاك الحب ما بقدر
انا لما حكت الجملة هاي حسيت روحي بدها تطلع انقهرت غرت ما قدرت اوصف شعوري


صارت تبكي تحكي بدي انساه ومش قادرة سألتها شو نوع العلاقة ومتى حكت ٣ سنين ومجرد علاقة عادية بس كان فيه حب وما فيها أي نوع من الغلط. بس هو كان كلشي وطلبني وانا وهو يلي انجبرت تقريبا نترك لأنه بنحب بعض بس عقلنا مختلف وسبب مشاكل هالاشي.


انا من مبارح عقلي مش معي كل ما بتذكر انه واحد يحبها وفعلا بده اياها وهي مضايقة عليه روحي تطلع مش عارف شو اسوي ما بقدر اترك سألتها متى اخر مرة حكيتي معه حكتلي ولا بعرف عنه اشي من يومها.

ومحترمة العلاقة هاي ولا يمكن اعمل غلط
بس هو ف بالي وهاذ الاشي ما بقدر اتحكم فيه. هيك حكت وصارت تحكي بخصوص انه ما صار بيننا شي هي فترة وبتعود ع الوضع حكيتلها انا مش هاذ همي .


كيف هي معي وعقلها مع زلمة غيري بفقع ومش قادر اتخلى عنها وعارف انها كويسة وعارف انها محترمة الزواج بس التفكير غصب عنها بس انا كمان بغار من مبارح صاحي وبفكر شو اسوي
كانت مضايقة وتبكي بتلقي ساعدني بدي انساه وانها تعبت .

يا الله لما قالت هيك حسيته كلشي ف بالها ليش هيك ماشي هي مش مقصرة وصرت افكر بقول كلما ممكن يكون كان فيه بحياتنا شخص اول وصعب ننساه ورح انسيها وتضل معي بس صعبة حاس بثقل بصدري من القهر


انا مبدي اتركهاا لحدا يحكي اترك ما بقدر صدقا ما بقدر بحبها موتي ولا اترك بس لما اتذكر انه هو ف عقلها ما بتحمل حتى لو انها مش مقصرة معي اعطوني اي حل .بس مش هاذ هل بقدر انسيها؟ وانا انسى؟ الله يوفقكم

حصرياً لموقع Mndora.com العديد من المواضيع تجدها على موقعنا الإلكتروني

زر الذهاب إلى الأعلى