ترشيحات أفلام ومسلسلات للمشاهدةمراجعات أفلام ومسلسلات

مسلسل كوميدى وجريمة جديد وممتع ومناسب للسهرات بعنوان “Based on a True Story”

مسلسل كوميدى وجريمة جديد وممتع ومناسب للسهرات بعنوان “Based on a True Story”

وقصته بكل بساطة بتتكلم عن اتنين متزوجين وفى إنتظار مولودهما الأول وحالتهم المادية صعبة، الزوج هو “نيثان” مدرب كرة تنس والزوجة هى “إيفا” مستشارة عقارية وبتحب تستمتع إلى بودكاست مختلفة بتتكلم عن جرائم القتل

وفى يوم من الأيام بشكل ما بيكتشف الزوجين هوية قاتل متسلسل مطلوب القبض عليه، ولكن بيواجهوه وبيعرضوا عليه أنهم ميبلغوش عنه فى مقابل أنه يسجل معاهم بودكاست يتكلم فيه عن الجرائم إلى ارتكابها بدون الكشف عن هويته أو هويتهم … وبس كده وبنشوف هيحصل ايه

من غير كلام كتير ده اكيد مش أفضل مسلسل جريمة ولا أفضل مسلسل كوميدى ممكن تشوفه، ولكن المزيج ما بينهم إلى نابع من قصته الغريبة إلى قولتها فوق ده كافى أنه يعطيك كمشاهد جرعة كويسة جدا من الإثارة والكوميديا والجريمة وضيف عليهم أداء حلو جدا من ابطال قصتنا

وكمان المسلسل مكون من ٨ حلقات ومتوسط مدة الحلقة حوالى ٣٠ دقيقة فقط يعنى ممكن تخلصه فى سهرة لذيذة وهتستمتع، ولكنه غير منتهى ولسة هيبقى ليه موسم قادم أو أكثر يكملوا أحداثنا، وكمان المسلسل لا يصلح للمشاهدة العائلية

وإلى اتفرج على المسلسل يشاركنا رأيه في الكومنتات ✌🏻

وتقييمى للمسلسل …. (7.5 / 10)


#basedonatruestorypeacock

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى