صفحة الاعترافاتقصصوظائف شاغرة

مشكلتي مع زوجي العنيف والوقح جدآ لدرجة شكك في نسب بنته


مرحبا كيف الحال.. اقرأوا راح تندموا 🙂

مرة من المرات بعد تلات حردات من اول الجيزه مكيفة على حالي ابشره حامل

قالي انتي شوال زي ما بعبيكي بفضيكي… 🙂 العبارة والرد بخـ،ـزي زي وجهه بس شو العبرة مش فاهمه يعني هو عباني هو يولدني؟؟ فش قابلات فش دكاترة …. ليس
نستمر بالحردات صرت كنترول باص شغال ع الخط

غبت سنة ورجعتله الغضيب والبنت عمرها تلات اشهر قالي هاي مش بنتي وبدي اعمل فحص
ونزل فيني هداك الضرب ريتها ضربه ما تجيب مقتـ،ـلو بس مايضل فيه حركه غير عيونه… . امّنوا
المهم
بعد صراع بين بنته مش بنته وتحقيق وضغط نفسي وطـ،ـعن و وانو انا بحرد عند اهلي عشان اقابل واخون
قلتله اها مش بنتك وانقلع
… واخيرا قلتها…..
وصارت المعركة حامية الوطيس كان يضرب من كل قلب ورب بقهر انه مش مرتاح وشاكك،، صار يضرب من كل قلب ورب وهو مبسوط خلص ثبتت التهمة! اعترفت

مسحت دمي وقمت اصلي كان يمنعني اصلي ليكمل شتم ويفرغ سمه
وقفت للصلاة رفشني بضهري وقالي هسا بدك تتوبي بتصلي لانك بدك تتوبي ( كأنه اول مرة يشوفني بصلي 🙂) ورجع يكمل ضرب ويتخيل اني خاينه

وراحت سنة على ما طلق ما بطلق اتنازلي بتنازل بس طلق
لسخام حظي هويتي وقتها منتهية وما صار الطلاق لبعد سنتين انسوا التفاصيل الي هون

بنتي هلأ عمرها 13 سنة انا ما تزوجت لانه كل ما حدا اتقدملي عرف ابو البنت شرد 🙂 قاطع نصيبي الله يقطع نصيبه من الجنة يا رب… أمّنوا

13سنة مش قادرة اخلص من كابوسه عشت مع فرعون فرعون مات وهو ما بموت لليوم اذاه لاحقني انا واهلي ومش خلصانين من قلقه مرة بدو بنته مره بقول مش بنتي

زارته البنت مرة وحدة وضلت عندو يومين وعجب عليها ضغط نفسي واوامر وضرب مش مربيه، ترباية امك، عنيدة، قليلة ادب كل هاد عشان قالتله ما بحب الزهرة بوكلش مقلوبه

وشتمها بأسوء الملافظ ولسه ما خلصنا منه رنت عليه هاي الايام قالتله بدي جهاز للمدرسة بدفعش نفقه غير كل تلات شهور مرة
قالها لا تطلبي مني اشي انتي مش بنتي وراح اعمل فحص واحرقـ،ــها امك الخاينه…. ال ال ال… ماخلى علي وسبها وسبني بملافظ سوقيه متل بيئته وهددها وتوعدها يسوي فيها ويعمل

هلأ انا تعبت فعليا اقسم بالله ضاقت لبلغت الحناجر بكفي… عايش معي لا هو متزوج اخلص منه ويلتهي بحاله ولا انا تزوجت وخلصت منه ولا البنت بدها اياه بتموت خوف وبتكرهه لدرجة تقــ،ﭢل حالها ولا تعيش لحظه معه
هلأ البنت تشبعت شتائم سوقيه وتشبعت قصصه المقرفه وتهديداته
انا خايفه على شغله تكبر البنت وتكون متعوده انو حدا يسبها ويشتمها وتتقبل متشربه الاهانه تشريب الله يـذله ولا يسامحه 13 سنه لا انا خلصت ولا بنتي ولا حتى اهلي

اها وبقولي ما تزوجت لاني عايبه وخلقتي عوجه محد بدق بابنا قد منا بشعة واني شغل تسليك واني كرت محروق ماحدا بيسخى يحطني ببيته الي يشوفني بستفرغ واخواني بخــزي منظرهم
وهو بجنن وحليوه ومرغوب
طيب يا مرغوب 13 سنة ليش بعدك مطلق وقاعد بلا مرة وهمك ع امك يا ابو 130 كيلو 🤢

تعقدتوا من هيك شخصيه ولا عادي انسان طبيعي؟!!
وانصحوني شو اعلم بنتي تتقبل هاد التمساح

حصرياً لموقع Mndora.com العديد من المواضيع تجدها على موقعنا الإلكتروني

زر الذهاب إلى الأعلى