صفحة الاعترافاتمنوعات وأخبار تريند حالياً

يوميات الزوج النكد 😢 زوجة تحكي أسرارها واعترافات مع زوجها

زوجي ازا بروح عند اهلي وحبو مثلا يطلعو على منتزه او على بيت عمي او خالتي او اي مكان لازم ارن على زوجي اخبرو اني طالعة وازا مرة طلعت معهم وما حكيتلو بيعملي مشكلة عويصة
واهلي بحكولي معو حق لازم يعرف وين بتكوني
ماشي ما اختلفنا
بيرجع وجه الصبح على البيت ومرات ما بيرجع وازا حكيتلو ليش متأخر بحكيلي كنت في مشوار
نفسي مرة ارن عليه ويحكيلي وين هو
نفسي حدا يسألني وين زوجك اعرف اجاوب
مرات بخلص شغلو على الساعة ٤ بيجي على البيت الساعة ١١
وكل مرة بسألو ما بعجبو وبصير انا النكدية والي مطفشتو من البيت

انا ازا لو ناقصني غرض للبيت ضروري ممنوع اطلع بدون مأرنلو اني طالعة على السوبر ماركت الي تحت بيتنا أجيب غرض وراجعة وازا ما رد ممنوع اطلع لازم اضل استناه لحتى ييجي هو ويقيم ازا الغرض ضروري بروح هو يجيبو وازا مش ضروري ما بجيبو
البلكونة عنا ازا طلعت قعدت عليها وما رنيتلو وطلبت منو اقعد فيها بتصير مشكلة
لانو مرة روح على البيت متأخر كعادتو في نصاص الليالي وانا في بيتي قاعدة لحالي والدنيا شوب انخنقت رحت على البلكونة شو فيها يعني مأنا في بيتي مش في الشارع وهو شاف هالشوفة وصار يصرخ فية ولم الناس علينا وعلى صوت صراخو ومسكني من راسي ودخلني على البيت ورن على ابوي وابوي اجا هو واخوتي ومسحو في كرامتي الارض
حسبي الله فيهم كلهم

مرة الغسالة الكابل تاعها طلع نار وما عرفت اتصرف طلعت من البيت مخنوقة من الدخنة وطلبت من شب في الشارع يشوف الغسالة
هو راح نزل الأمان وطفى النار
يعني لو اني انحرقت وتشوهت ومتت كان اهون عليهم من اني اطلع من البيت واطلب مساعدة من اي شخص

هو واهلي حسسوني اني دخلت الشب بمزاجي على البيت وابصر شو عملنا
يا الله يهداك اليوم شو تمنيت اموت واخلص من القرف الي عايشتو يا الله شو اكلت ضرب من ورا هالعملة

ازا كنت عند حدا من اهلي او من اهلو واجاهم ضيوف ممنوع اقعد مع الضيوف لازم بالاول أرنلو واحكيلو مين الموجود ويا هو بوافق يخليني اقعد معهم يا لأ
ازا طلعت مع صاحباتي على مطعم وقررنا نروح على السوق ممنوع اروح على السوق لازم اروح على البيت لانو انا حكيتلو بدنا نروح على مطعم ما جبتلو سيرة السوق وازا شك فية بخليني افتح كاميرا يشوف وين انا

مرة انعزمت على عرس بنت عمي حكالي بتروحي نص ساعة ومن مكانك ما تقومي وضل يستنا فية برة القاعة لمدة نص ساعة عشان يروحني

ازا اخوي اجا علية لازم ارنلو واحكيلو اخوي عندي في البيت
ازا كنت مريضة ومتوجعة لازم اضلني متوجعة لحضرة جنابو يشرف ويوديني على الدكتور لكن انو انا اوصل الدكتور لحالي مصيبة هاي كأني عاملة عيبة لا تغتفر
وكل ميشوفني حاملة التلفون بياخدو مني يشوف شو بعمل ومع مين بحكي

واهلي واهلو بحكولي هاد حقو انو يعرف وين ومع مين بتكوني وشو بتعملي ولازم تسمعي كلامو
هسا هاد حقو وانا مش من حقي اعرف وين بكون وليش بتأخر
وحقو في شو هو انا وين رايحة يعني يا عند اهلي يا عند اهلو يا بجيب اغراض وين بدي اكون يعني
شو عاملة انا في حياتي لكل هاد البلكونة ما اقعد عليها تلفوني ما امسكو ولا يكون عندي خصوصية

ماسكينلي الشرع من ديلو والي بدكم اياه بتمشوه والي ما بدكم اياه بتعملو حالكم مش شايفينو

زر الذهاب إلى الأعلى