ترشيحات أفلام ومسلسلات للمشاهدةمراجعات أفلام ومسلسلات

Indiana Jones and the Dial of Destiny” فيلم

مراجعة أحدث أفلام السينما فيلم الأكشن والمغامرة الممتع “Indiana Jones and the Dial of Destiny”

وإلى بتحصل أحداثه فى النص الثانى من القرن الماضى، وبنشوف فيه بطل قصتنا “انديانا جونز” بعد لما كبر فى السن وتقاعد عن العمل، ولكن الإثارة بترجع لحياته لما بيقابل ابنة صديق قديم ليه وبيتورط معاها فى مغامرة للبحث عن شئ أثرى مفقود، وفى نفس ذات الوقت بيكون فى شخص بيبحث عن نفس الشئ من أجل غرض شرير … وبس كده وبنشوف هيحصل ايه

بكل بساطة الفيلم ممتع جدا ومناسب جدا للخروجات العائلية فى العيد وهتعيش معاه تجربة مغامرة كلاسيكية ممتعة لمدة تزيد عن الساعتين من غير ما تحس بالوقت أو بأى ملل

ومش مهم خالص تكون اتفرجت على الأجزاء السابقة عشان تفهم أحداث الفيلم، بس يكفى انك تكون عارف السلسلة دى بتتكلم عن ايه وبدأت امتى وطابعها الكلاسيكى، وفى حالة انك اتفرجت على جزء منها أو كل الاجزاء ده اكيد هيخليك تكون عايش اكتر فى الأجواء

والفيلم فعلا زى ما قولت فوق مش هتحس فيه بملل، وعلى مستوى المغامرة ومشاهد الاكشن الفيلم فى تنوع كويس جدا خلال رحلتنا وفيه مشهد مطاردة عجبنى جدا بشكل شخصى وتنفيذ كل ده كان بشكل رائع

وده ينقلنا لمخرج العمل وإلى كان من أسباب حماسى لهذا الجزء وإلى هو “James Mangold”، ولو متعرفش فالراجل ده اخر عملين أخرجهم قبل الفيلم ده كانوا:

– Logan (2017)

– Ford v Ferrari (2019)

وإلى اتفرج على العملين دول وجودتهم فى التنفيذ هيكون واضح ليه المستوى إلى بتكلم فيه هنا

من مميزات الفيلم برضه إضافة الممثلة الإنجليزية الرائعة “Phoebe Waller-Bridge” وإلى حقيقى أداءها الفيلم كان جميل جدا والشخصية إلى قدمتها كانت إضافة كويسة للفيلم ،ومعاها شخصية ولد صغير هيظهر معانا خلال الأحداث

ماعدا ذلك بقى متستناش ماهو جديد اوى على مستوى القصة أو الحبكة واستمتع بالمغامرة الشيقة إلى الفيلم بيقدمها

وطبعا إلى اتفرج على الفيلم يشاركنا رأيه في الكومنتات ✌🏻

وتقييمى للفيلم …. (7.5 / 10)


#indianajonesandthedialofdestiny

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى