مراجعات أفلام ومسلسلات

Mission:Impossible Dead Reckoning Part1 فيلم

– “Mission:Impossible Dead Reckoning Part1” هو أحدث الافلام المعروضة فى السينما وزي ما هو معروف الجزء السابع متفسم لنصفين والقصة سريعا بتحكي عن مغامرة جديدة ل ايثان هانت وبشكل عام لازم تكون شوفت الجزء الخامس والسادس ضروري

– الفيلم يا جماعة من غير كلام كتير هو أفضل جزء فى سلسلة افلام Mission impossible وأفضل فيلم اكشن فى 2023 ، وحقيقي الجزء دة مختلف كسيناريو وشخصيات عن أي جزء تاني كلهم ليهم تحولات وكلهم ليهم خط من خلاله بنتابعهم وفى المهمة ديه بذات هي فعلا اكتر مهمة ما بين الأجزاء كلها تستحق لقب انها “مهمة مستحيلة” ، سيناريو فيه اهتمام كبير اوي بالجانب الدرامي وشرح الخطر وشرح الشخصيات بما فيهم الشخصيات الجديدة فى احداثنا ودوافعهم وقراراتهم اللى مفهومة ، كمان من المرات القليلة اللى الاقي فيها ان الفيلم فيه عنصر غموض ومش بيديلك كل المعلومات زي باقي الأجزاء

– ولحظة الكشف عنها بتخليك فعلا تحس بالخطر اكتر واكتر والتمهيد لنصف الثاني من الجزء السابع مخليني فعلا عايز اشوفة النهاردة قبل بكرة وهي قفلة تحترم وغير تجارية على الإطلاق

– كمان غير ان الجزء متميز دراميا وان نتائج الأحداث فعلا اغلبها مفاجأة وغير متوقعة، دة اكتر جزء من سلسلة اخد مخاطرة عالية فى انه يكون اكتر جزء عامل الكوميديا فيه عالية وديه مش تريقة ديه مواقف ونكت مقصودة ومعمولة حلوة جدا ولكن عيبه الصغير انه بعد حدث معين فضلنا مستمرين عليها رغم ان الحدث كان صادم وفى نفس الوقت المهمة اللى احنا فيها جادة اوي اوي بس دة عيب صغير ومخاطرة شجاعة جدا احيي الفيلم عليها

– اما على مستوى الاكشن فكالعادة توم كروز غير انة المرة ديه مقدم تحديات تمثيلية اكتر من تحديات جسدية لسه قادر يأدي مشاهد اكشن وحركية خطيرة بنفسه وكمان المخرج كريستوفر ماكوير قادر إنه يطور أجزاء السلسلة لكتر واكتر ويبدع فيها وعنده كتير من العطاء لسلسلة ديه دة غير ان الاكشن فيه حبس أنفاس من اولها لاخرها وفيها تنوع والاجدد زي ما قولت انه فيه مطاردة كوميديا معمولة بشكل فشيخ

– على مستوى الأداء التمثيلي ريبيكا فارجسون مقدمة أداء ممتاز ومحافظة على كل حاجة فى شخصياتها من ساعة الجزء الخامس وحقيقي هي من الشخصيات النسائية فى سلسلة ديه اللى فعلا متخليش اي حد ينساها بسهولة والخط الرومانسي مع توم كان رائع ، فانيسا كيربي اخدت مساحة اكبر بكتير من الجزء السادس وقدمت أداء رائع وتحول مبهر ، هيلي اتويل اجدد شخصية فى عالمنا حقيقي أداء منعش وجيد جدا وقدروا كمثلث نسائي يبقوا هما الافضل فى العالم دة

– على مستوى باقي الشخصيات ف هما كلهم كتار ومعنديش استثناء بس كلهم ممتازين ومخليني مستني ملحمة النصف التاني اللى مخليني عايز اعرف نتيجتة اية وخصوصا جانب الشر اللى لسه هيتبروز اكتر واكتر وخطوط الصراعات هتوسع

التقييم النهائي: (9.5/10)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى