تريند عالم السينما والمسلسلاتمراجعات أفلام ومسلسلات

Oppenheimer فيلم

مراجعة فيلم “Oppenheimer” (لا يوجد حرق لأحداث الفيلم)

قصة الفيلم بكل بساطة بتحكى قصة اختراع اول قنبلة ذرية على يد العالم الأمريكى “Robert Oppenheimer” … وبس كده وبنتابع أحداث الفيلم

مبدئيا كده ومهم جداً تعرف أن الفيلم ده فيلم سيرة ذاتية لشخصية تاريخية وفى جانب درامى كبير فى الفيلم مع العلم أن الفيلم مدته ٣ ساعات … واعيد تانى واقول مهم جدا تحط ده فى دماغك قبل ما تتفرج على الفيلم عشان متستناش منه حاجة مش موجوده فيه

وطبعاً كده واضح من كلامى أن الفيلم مش لكن الناس إطلاقا وناس كتير إحتمال تطلع تقول كلام وحش عن الفيلم … فنصيحة تانية متسمعش لحد ايا كان كلامه سواء ايجابى أو سلبى واتفرج بنفسك وكون رأيك عن الفيلم

وعن نفسى وده رأيى الشخصى الفيلم عجبنى جدا واكيد هو واحد من أفضل أفلام هذا العام، وعجبنى فيه حاجات كتير جدا

أولها اننا بنشوف مخرج زى “Christopher Nolan” بيقدم اول فيلم سيرة ذاتيه ليه وازاى هو فعلا حكاء شاطر وقدر يحط بصمته وأسلوب سرده المميز فى قصة زى دى ويخليها تكفى معانا ٣ ساعات وتفضل مشدود ليها وانت بتتفرج

وعلى المستوى البصرى والتقنى طبعا كلنا سمعنا كلام كتير عن عدم استخدام اى CGI فى الفيلم وده أضاف متعة تانية فى بعض المشاهد وظهر اوى المجهود إلى متقدم فيها واستخدامه لكل أدواته السينمائية

ولكن بقى العنصر الأبرز بالنسبالى فى الفيلم هو طاقم التمثيل بالكامل الى حقيقى من اول ابطال العمل لحد أقل واحد ظهر على الشاشة كانوا كلهم رائعين وهتستمتع بيهم

وطبعا دعونا لا ننسى الموسيقى التصويرية إلى أضافت كتير للفيلم وكانت بصمتها واضحة معانا

اخر حاجة برغم أن الفيلم مزهقتش منه ولكن مدته كانت
بالنسبالى اطول بكتير من إلى كان محتاجه

إجمالا بقى فيلم “Oppenheimer” فيلم سينما رائع ويستحق المشاهدة وبقوة ولكن مع مراعاة ما تم ذكره فى بداية المراجعة وعدم رسم سيناريو مسبق لشكل الفيلم فى مخيلتك وسيب نفسك للفيلم واستمتع

وطبعاً إلى اتفرج على الفيلم يشاركنا رأيه في الكومنتات ✌🏻

وتقييمى للفيلم …. (9 / 10)


#oppenheimermovie

زر الذهاب إلى الأعلى