تريند الجيمنغ واخبار الألعاب

Spec ops the line لعبة حصري

Spec ops the line مراجعة بسيطة و رأيي الشخصي بيها
اللعبة نزلت سنة ٢٠١٢ اني لعبتها ٢٠١٣ على ال PC بوكتها اللعبة جانت قفزة بألعاب منظور الشخص الثالث و اني ختمتها اكثر من من ٥ مرات.
قبل كم يوم قررت العبها مره لخ و الصراحة استمتعت باللعبة بشكل فاق توقعاتي، لأن جنت متوقع انه امل منها بعد ربع ساعة لانه بعد ما لعبت هواي العاب من الجيل الجديد و عيني تعودت على رسومات عالية. بس صار العكس، اللعبة من النوع الي ما يموت و ما تمل منها مهما عدتها. لأسباب عدة هي:
اولا: الكيم بلي و الإصابات الي تصيب الأعداء بشكل ممتاز و قريب من الواقع خصوصا موضوع ال.د.م و الأشلاء.
ثانيا: رسومات اللعبة تكاد تكون ممتازة بالنسبة لجيلها و حتى للجيل الحالي جيدة.
ثالثا: الفكرة الرئيسة للعبة و الأجواء تنقلك لغير عالم و تجبرك تدخل بوسط احداثها.
رابعا: الشخصيات و الحوارات الي بيناتهم و الريأكش الخاص بكل واحد بيهم يخليك تتعلق أكثر باللعبة.
خامسا: القصة ممتازة و بيها أحداث مؤثرة تخليك حتى تشعر بالذنب.. ما أحركها عليكم😅
و أخيرا اني كلاعب إذا يخيروني بين جزء جديد للعبة gears of war و بين جزء جديد للعبة spec ops the line فشي أكيد اختار spec ops
لعبة gears على الرغم من انه رسوماتها ممتازه و القصة جيدة بس ما استمتعت بيها مثل sepc ops…
أنصحكم بتجربتها أو إعادتها. تحياتي

زر الذهاب إلى الأعلى